Weißes Mus oder Blancmanger von Kapaun oder Fisch

ain weys mues oder bla manschy zu machen ⟨Erstlich ain Reys genumen den sauber lasen auss waschen vnd klauben darnach wan er auss gewaschen vnd geklaupt jst jn ain geschier oder auff ain pret than vnd den gegen dem fuyr lainen vnd wan er wol truckhen jst sol man jn wol jn ainem merser ⟨?stes⟩ stesen vnd durch ain syb oder duech fehen das er werd wie ain mell, Zum anderen die prust von ⟨eder⟩ ainer henen auss geschniden oder von ainem⟩ Manschy plamby zu machen Ersthlich ain Reys genumen den sauber lasen auss waschen vnd klauben darnach wan Er aus gewaschen vnd gekaupt [geklaupt] jst so thue jn jn ain geschier oder auf ain pred vnd lans gegen dem fuyr vnd wan Er wol getruckhen jst so sol man jn wol jn ainem merser stesen vnd durch ain duech oder syb fehen das er wer wie ain melb Zum Anderen so nymb ⟨den-prad⟩ [?] ⟨ver-ainer⟩ ⟨prust⟩ ⟨ven⟩ ⟨ainem-kapanen-thue⟩ die prust von ainem kapanen aus geschniden thues jn ainen Haffen oder kesl setz zum fuyr vnd las syeden bis sy gesotten jst nit gar zu vast darnach nym die prust her auss vnd las kalt werden darnach zerzopfs wie ain seyden darnach in ain saruet ein wickhlen das nit hart oder spisig werd zu z tritten nymb des Reys melb Ain hand vol vnd thues jn ain sauber ver zindt geschier Es sey ain ver zindt peckh oder pfanen vnd- guys ainen gutten milch Ram dar an vnd Rier das melb feyn das ⟨Es⟩ des mel gar dyn werd vnd secz jn ainem verzintten ge schier auff ain kol fuir vnd Riers jmerzu damits nit an prin oder knolet wird so wirt Es bald dickhlet werden so mues man wider ain wenig ain milich Ram dar ain ⟨gieser⟩ giesen vnd widerumb Rieren Vnd so es wider auff ⟨suyst⟩ suyt die zerzopft prust dar ein werffen vnd ain wenig Rasen waser dar auff ⟨giesen⟩ giesen vnd wen Es wider dickhlet wil werden nymb ainen schenen gestosen zuckher vnd thue - in auch Darein das Es wol syes werd auch mues es gesalczen werden ⟨am⟩ vnd auch frischen butter darein than als gros Als ain henen ay vnd vom fuyr hin weg than vnd an Richten wan man den zuckher darein wirft mues es wol dickh sein dan wan der zuckher dar ein kumpt wirt Es von stund an din vnd so auch nit lang mer syeden wan der zuckher darein kumpt dan Es wirt von star stundan schwartz wil mans aber von fyschen machen nym ainen hechten vnd las jn sieden bis an die stat wie sunst ainen hechten aber kainen Esich darf man ⟨daran⟩ Darf man dar an giesen dar nach den hechten heraus heraus genumen vnd den ⟨grat⟩ grad dar uon gethan oder klauben vnd den hechten hackhen vnd dar an than wie mit der henen brust geschriben stet oder ainen stockh fisch auch also das weys hin aus klauben vnd wol syeden vnd so er gesotten jst her aus than vnd zuckhen darnach jn das mues than wan es gemacht jst wie mit den anderen geschriben stet vnd wan mans an Vischen thuet _ fein heyfflen mit ainem leffel jn die schissel ⟨setzen⟩ her umb seczen